Articles Les Confréries ( Bonifaccio )

San Giovanni Battista ( 24 di Ghjunu )

Durante seculi, i cunfratelli di San Giovanni Battista ( o di a Misericordia ) anu purtatu aiutu à i bisugnosi  racultendu à profitu soiu, furnendu sempre un aiutu materialle à i più sfurni è assicurandu à utti digni funerali cristiani. I cunfratelli di San Giovanni Battista portani, in segnu di prufonda umiltà, una pianeta ( chasuble ) nera è una mantelletta ( camail ) noire. U 29 di Aostu, ghjornu di a festa di a Scapatura di u so santu patrone, i membre di a cumpania si ricattanu in una ceremonia speciale. Hè urganisata in a ghjesia di u carraghju di San-Dumenicu, in u chjucu quartiere di u Fundago, parrola araba fondog o magazzinu. A cunfraternità di San Giuà Bati ùn cunta micca di priore è u decanu hè numinatu à vita.
     Culture
L'équipe Actualité
 
Images
 
Liens

San Bartolu ( O San Burtumia )

A cunfraternità di San Bartolu, cuncoglia tempi fà i tagliadori di petre, muratore è operaghji custrutori di à cità. Incumbiata dipo seculi, u vestitu tradiziunale si cumpone d'una pianeta bianca è d'una mantelletta rossa o cullarinu ( colleret ) rossu, rialzatu d'oru pà i dignitarii. L'elezione di u priore hè urganisata u 24 di Aostu a matina. A sera, pà venerà San Bartolu, i cunftarelli portanu una pisia "châsse" ( à pocu pressu 800kg) in prucessione in e strette di l'alta cità. Cù u venari santu, hè a sola esciuta di l'annata di stu imponente gruppu di legnu sculpitu chi riprisenta u martiriu di San Bartolomeu u scuraticatu ( l'écorché ), u scurticatu vivu.

A Maddalena

A cunfraternità di a Maddalena a santa Maria-Maddalena cuncoglia tutti l'agricultori, cultivatori è vignaghjoli chi facianu campà a cità. U priore hè eletu durante una ceremonia che si tene u 22 di Ghjuliu. I membre di a Maddalena portanu una cappa o una pianeta verde è un cullarin o mentelletta turchinu. A so "châsse", ditta di e Sante-Moglie ( cunservata cume quella di San Bartolu, in a ghjesia Santu-Dumenicu, in l'alta cità ) riprisenta l'adorazione di e trè pienghjone di u Calvariu ( santa Maria, santa Marta è santa Maria-Maddalena ) durante l'agunia di u Cristu nantu à a croce.

Sant'Eramu

A cunfraternità di Sant'Eramu, fundata in 1893, cuncoglie a curparazione di i marini piscadori è di a cummunità di a ghjente di u mare. Una ceremunia speciale hè urganisata à l'uccasione di a numinazione di u priore di a cumpania, chi hè statu sotu-priore durante una annata. Vistuti di pianete bianche cuvierte d'una mantelletta viuletta, i cunfratelli di Sant'Eramu festighjanu Nostra-Dama ( Donna ) di a Pruvidenza a dumenica chi succede à a festa di l'Assunzione, è, u 2 di Ghjugnu, so santu patrone. Cume i cunfratelli d'altri presidi genuvesi ( e piazze forte d'Aiacciu è Calvi ) u cunfratelli di San'Eramu urganizzanu stu ghjornu una esciuta in mare, à l'uccasione di questa celebranu i spariti cù una lentata di manelle ( gerbes ) è facenu prucede à una binidizione rituale di l'acque. A ghjesia di Sant'Eramu, stata in a bassacità, accantu à u portu, esistia dighjà à u 18e seculu, ma fu l'oghjettu d'impurtante trasfurmazione à i 19e seculu. U 20 di Ghjugnu, una messa c'hè ditta pà celebrà Santu Silveru, papa è martiriu, patrone di l'aligustinadore ( langoustiers ).
S.Dinelli

© Lamentoghju 2008-2009